बागमतीले पार गर्यो सतर्कता तह, उपत्यकामा बाढीको खतरा
काठमाडौँ । रातिदेखिको वर्षाका कारण देशका विभिन्न ठुला तथा साना नदीमा पानीको सतह बढेको छ । कोशी, नारायणी र यिनका सहायक नदीहरू कन्काई, कमला, बागमती, पूर्वी राप्ती, तिनाउमा बहाब बढेको हो ।
बाढी पूर्वानुमान महाशाखाकाअनुसार बागमती नदी खोकनास्थित जलमापन केन्द्रमा जलसतहले सतर्कता तह पार गरेको छ । बहाब अझै बढ्दो क्रममा रहेकोले नदी तटिय क्षेत्रमा दिउँसोसम्मै उच्च सतर्कताअपनाउन आग्रह गरिएको छ ।
#SMS_Alert
भदौ २१, बिहान ५:०० बजे
बाग्मति नदी खोकना स्थित जलमापन केन्द्रमा जलसतहले सतर्कता तह पार गरेको र बढ्दो क्रममा रहेकोले नदी तटिय क्षेत्रमा रहनुहुनेहरुले आज दिउँसो सम्मै उच्च सतर्कता अपनाऔ। pic.twitter.com/wkCVekXg8J— Nepal Flood Alert! नेपाल बाढी सूचना! (@DHM_FloodEWS) September 5, 2021
काठमाडौं उपत्यकाका खोलाहरूमा पनि पानीको सतह बढ्दा आसपासमा रहेका बस्तीहरूमा बाढी खतरा बढेको छ । उपत्यकाका बाग्मती, विष्णुमती, मनोहरा, हनुमन्ते, रुद्रमति आदि खोलामा पानीको बहाब बढ्दा खोलाछेउका बस्ती डुबानको खतरामा परेका हुन् ।
भदौ २१,बिहान ५:३० बजे
हाल काठमाडौँ उपत्यकाको बागमती र यसको सहायक नदी जलाधारहरुमा पछिल्लो ६ घण्टा देखि बर्षा भइरहेको र थप हुने रहेकोले,उपत्यका भई बहने साना नदीहरुमा जलसतह बढ्दो हुने,केहि साना नदी-नालाको पानी सडक किनार सम्म आउन सक्छ, किनारको सडक भई यात्रा गर्दा सतर्कता अपनाऔ pic.twitter.com/wJAN9iQdIo— Nepal Flood Alert! नेपाल बाढी सूचना! (@DHM_FloodEWS) September 6, 2021
यस्तै चितवनको माडी क्षेत्रको छर्छरे, कल्याणपुर, बनकट्टा, गोविन्दबस्ती र आसपासको क्षेत्रमा पछिल्लो ३ घण्टामा भारी वर्षामापन भएको महाशाखाले जनाएको छ । सो क्षेत्र भईबहने रिउखोला र अन्य खहरेखोलामा आकस्मिक बाढी जानसक्ने, नदी तटिय क्षेत्र तथा डुबान हुने क्षेत्रहरुमा उच्च सतर्कता अपनाउन भनिएको छ ।
#SMS_Alert
भदौ २१,बिहान ६ बजे
चितवन जिल्ला माडी क्षेत्रको छर्छरे,कल्याणपुर,बनकट्टा,गोविन्दबस्ती र आसपासको क्षेत्रमा पछिल्लो ३ घण्टामा भारी वर्षामापन,सो क्षेत्र भईबहने रिउखोला र अन्य खहरेखोलामा आकस्मिक बाढी जानसक्ने, नदी तटिय क्षेत्र तथा डुबान हुने क्षेत्रहरुमा उच्च सतर्कता अपनाऔ। pic.twitter.com/n7ezv5OCCk— Nepal Flood Alert! नेपाल बाढी सूचना! (@DHM_FloodEWS) September 6, 2021
#SMS_Alert
भदौ २१, बिहान २ बजे
सिन्धुलीको हरिहरपुरगढी र आसपास पछिल्लो ६ घण्टा भारी वर्षामापन भएकोले कोखाजोरखोला लगायतका स-साना नदीहरुमा आकस्मिक बाढी आउन सक्ने, तटिय क्षेत्र तथा डुबान भइरहने क्षेत्रहरुमा उच्च सतर्कता अपनाऔ। pic.twitter.com/IY2aMZV6PY— Nepal Flood Alert! नेपाल बाढी सूचना! (@DHM_FloodEWS) September 5, 2021
बाँकेको धकेरी लगायत आसपासका क्षेत्रमा पछिल्लो ६ घण्टा भारी बर्षामापन भएको र थप वर्षाको सम्भावना छ । सो क्षेत्र भएर बहने साना नदीमा एक्कासी बाढी आउन सक्ने, नदी तटिय क्षेत्र तथा डुबान हुने क्षेत्रहरुमा उच्च सतर्कता अपनाउन आग्रह गरिएको छ ।
#SMS_Alert
भदौ २१,बिहान ६:३० बजे
बाँके जिल्लाको धकेरी लगायत आसपासका क्षेत्रमा पछिल्लो ६ घण्टा भारी बर्षामापन भएको र थप वर्षाको सम्भावना,सो क्षेत्र भएर बहने साना नदीमा एक्कासी बाढी आउन सक्ने,नदी तटिय क्षेत्र तथा डुबान हुने क्षेत्रहरुमा उच्च सतर्कता अपनाऔ । pic.twitter.com/xTerKwPicb— Nepal Flood Alert! नेपाल बाढी सूचना! (@DHM_FloodEWS) September 6, 2021