गोकर्णेश्वरमा घरदैलो खोप अभियान शुरु
मकालु खबर
२०७८ भदौ १७ गते
काठमाडौँ । गोकर्णेश्वर नगरपालिकाले ज्येष्ठ नागरिक‚ अपाङ्गता भएका र अशक्तहरूका लागि घरदैलो अभियान शुरु गरेको छ । कोरोनाविरुद्धको खोप लगाउन खोप केन्द्रसम्म जान नसक्ने ज्येष्ठ नागरिक, अपाङ्गता भएका र अशक्त व्यक्तिहरूलाई गोकर्णेश्वर नगरपालिकाले आजबाट ‘घरदैलो खोप अभियान’ शुरु गरेको हो ।
नगरप्रमुख सन्तोष चालिसे, वडा नं ६ का वडाध्यक्ष रमेश अर्याल, नगरपालिकाका स्वास्थ्य प्रमुख हरिप्रसाद उपाध्याय लगायत स्वास्थ्यकर्मीको टोलीले आज वडा नम्बर ६ को विभिन्न स्थानबाट यो अभियान शुरु गरेका हुन् ।
आजबाट अभियान शुरु भएको र अब यो अभियान नगरपालिकाको सबै वडामा सञ्चालन हुने नगर प्रमुख चालिसेले बताए । खोप लगाउन खोप केन्द्रसम्म जान नसक्ने उल्लेखित समूहको आ-आफ्नो वडामा नाम लेखाउनसमेत उनले आग्रह गरेका छन् ।
मकालु खबर
२०७८ भदौ १७ गते
प्रतिक्रिया
सम्बन्धित