मेगा बैंकका ५ वटा नयाँ शाखा
मकालु खबर
काठमाडौँ । मेगा बैंक नेपाल लिमिटेडले आइतबार ५ वटा नयाँ शाखाहरु विस्तार गरेको छ ।
मोरङ जिल्लाको सुन्दरहरैंचा नगरपालिका- १० विराटचोकमा, उदयपुर जिल्लाको त्रियुगा नगरपालिका- ११ गाइघाटमा, रौतहट जिल्लाको चन्द्रपुर नगरपालिका- ४ चन्द्रपुरमा, चितवन जिल्लाको रत्ननगर नगरपालिका- ६ सौराहामा र कास्की जिल्लाको पोखरा महानगरपालिका- ६ गौरीघाटमा शाखाहरु विस्तार गरेको हो ।
यी शाखाहरूबाट बैंकिङ कारोबारको प्रारम्भ आइतबारबाटै भएको बैंकका प्रमुख सूचना अधिकारी तुल्सीराम पोखरेलले जानकारी दिए ।
मेगा बैंकले यो एक महिनाको अवधिमा मात्रै १२ वटा शाखा विस्तार गरिसकेको छ । अहिले मेगा बैंकका देशभर १९० शाखा कार्यालयहरू रहेका छन् भने थप ४ वटा शाखाहरू सञ्चालनमा आउने तयारीमा रहेका छन् ।
ग्राहकको विश्वास जित्दै अघि बढ्दै गरेको मेगा बैंकले गुणस्तरीय र छिटो छरितो सेवा तथा डिजिटल बैंकिङलाई प्राथमिकता दिँदै आइरहेको बैंकले जनाएको छ ।
मकालु खबर
