प्रचण्डको भ्याकेट निवेदन
एमालेमा गएका माओवादीका जनप्रतिनिधिको थप विवरण मगाउन सर्वोच्चको आदेश
मकालु खबर
२०७८ साउन २१ गते
काठमाडौँ । नेपाल कम्युनिस्ट पार्टी (माओवादी केन्द्र)बाट निर्वाचित भएर एमालेमा लागेका जनप्रतिनिधिको विवादसम्बन्धी मुद्दामा अन्तरिम आदेशबारे निर्णय गर्नका लागि सर्वोच्च अदालतले थप विवरण मगाउने आदेश गरेको छ ।
न्यायाधीशहरू आनन्दमोह भट्टराई, बमकुमार श्रेष्ठ र मनोजकुमार शर्माको पूर्ण इजलासले उनीहरूविरुद्ध गरिएको कारबाहीको बारेमा अन्य विवरण मगाउन आदेश गरेको हो ।
इजलासले एमालेमा लागेका स्थानीय तहका जनप्रतिनिधिलाई पुनर्बहाली गर्न नमिल्ने जिकीर गर्दै अध्यक्ष दाहालका तर्फबाट दायर भएको निवेदनमा अन्य विवरण मगाउने आदेश गरेको हो ।
पार्टी परित्याग गरी एमालेमा गएका जनप्रतिनिधिलाई पार्टीले गरेको कारबाही सदर हुनुपर्ने भन्दै सर्वोच्चको अन्तरिम आदेशविरुद्ध अध्यक्ष प्रचण्ड साउन ७ गते भ्याकेट निवेदन लिएर सर्वोच्च पुगेका थिए ।
मकालु खबर
२०७८ साउन २१ गते
प्रतिक्रिया
सम्बन्धित