नेपालमा फेला पर्यो कोरोनाको ‘डेल्टा प्लस’ भेरियन्ट
मकालु खबर
२०७८ साउन १२ गते
काठमाडौं । नेपालमा कोरोना भाइरसको ‘डेल्टा प्लस’ भेरियन्ट फेला परेको छ । स्वास्थ्य तथा जनसंख्या मन्त्रालयले मंगलबार विज्ञप्ति जारी गरी ४७ जनाको नमूनामध्ये तीन जनाको नमूनामा डेल्टा भेरियन्टको थप उत्परिवर्तन भेटिएको जनाएको हो ।
देशका विभिन्न भागबाट संकलन गरिएको ४७ वटा नमूनामध्ये सबैमा डेल्टा भेरियन्ट भेटिएको र ३ वटामा थप उत्परिवर्तन ‘के-४१७ एन म्युटेसन’ देखिएको बताइएको छ । त्यसलाई एवाई-१ नाम दिइएको मन्त्रालयद्वारा जारी विज्ञप्तिमा उल्लेख छ ।
भेटिएका भेरियन्ट र म्युटेन्टहरू बढी संक्रामक तथा सबै उमेर समूहका व्यक्तिलाई असर पार्ने देखिएको समेत मन्त्रालयले जनाएको छ ।यसअघि पनि नेपालमा ४८ वटा नमूना परीक्षण गर्दा ९ जनामा डेल्टा प्लस फेला परेको थियो ।
मकालु खबर
२०७८ साउन १२ गते
प्रतिक्रिया
सम्बन्धित