एमालेका ६ नेता मन्त्री बन्न लागेको बाँस्कोटाको दाबी
मकालु खबर
काठमाडौं । नेकपा एमालेको संस्थापन पक्षका नेता गोकुलप्रसाद बाँस्कोटाले विपक्षी एमाले (माधवकुमार नेपाल पक्ष) का ६ जना नेताहरु मन्त्री बन्न लागेको दाबी गरेका छन् ।
पूर्वसञ्चारमन्त्रीसमेत रहेका बाँस्कोटाले शनिबार (आज) बिहान ट्वीटरमार्फत नेपालपक्षीय नेतालाई ‘कांग्रेस भाइ’ को संज्ञा दिँदै ६ नेता मन्त्री बन्न लागेको दाबी गरेका हुन् । बाँस्कोटाले तोकेरै भनेका छन्— ‘कांग्रेसबाट ९ जना, नेपाल पक्षबाट ६ जना, माओवादी केन्द्रबाट ५ जना, जसपा यादव पक्षबाट ५ जना मन्त्री बन्ने सम्झौता ।’
नेपाल पक्षलाई प्रधानमन्त्री शेरबहादुर देउवासँगै माओवादी केन्द्रका अध्यक्ष पुष्पकमल दाहाल ‘प्रचण्ड’लगायतका शीर्ष नेताहरुले गठबन्धनको सरकारमा आउन आग्रह गरिरहेका छन् । तर, नेपालले एमाले एकतालाई केन्द्र राख्दै गठबन्धनमा नरहने बताइसकेका छन् ।
ट्वीटर ह्याण्डीलको नौटंकीपुर्ण हल्ला सकियो होला कि नाइं ? तर परमादेश प्रमको गठबन्धन ह्यण्डील चै कांग्रेस ९+प्रमुख भाई कांग्रेस ६+कम्फरटेवल कम्युनिष्ट ५+जसपा बाह्र भाई ५ हुने सम्झौता भयो भन्ने छ।परमादेश सरकारको पुर्णता नभै एमाले बिवादको अन्तिम पटाक्षेप नहुने।बल देऊ भिमसेन -एकता!!
— Gokul Prasad Baskota (@GokulPBaskota) July 17, 2021
मकालु खबर
