फराकिलाे जितसँगै सिटीलाई उपाधि

एजेन्सी । च्याम्पियन क्लब म्यानचेस्टर सिटीले प्रिमियर लिग अन्तर्गत सिजनको आफ्नो अन्तिम खेलमा एभर्टनलाई ५-० ले हराएकाे छ ।

११ औं मिनेटमा ब्रुएनले गोल गर्दै सिटीलाई अग्रता दिलाएकाे खेलमा त्यसकाे ३ मिनेटमा जिससले गोल गर्दै सिटीको अग्रता २-० को बनाए । यस्तै ५३ औं मिनेटमा फोडेनले गोल गर्दै टिमको अग्रता ३-० को बनाए भने ७१ औं मिनेटमा अग्युइराेले गाेल थपेर टिमको अग्रता ४-० को बनाए । ७६ औं मिनेटमा उनै अग्युरोले व्यक्तिगत दोस्रो गोल थपे र ५-० को जीत पक्का गरे । अग्युइराे यहि सिजनबाट सिटी छाेड्दैछन् ।

अग्युरोले सिटीका लागि १ सय ८४ गोल गरेका छन् । फराकिलो जितसँगै सिटीले ३८ खेलमा ८६ अंक बनाउँदै उपाधि उचालेको छ ।