जसपा नेता राइनको परिवारका १७ मध्ये १४ जनालाई कोभिड

काठमाडौं । जनता समाजवादी पार्टी (जसपा)का नेता तथा संघीय सांसद मोहम्मद इस्तियाक राइनको परिवारका १४ जनामा कोभिड संक्रमण पुष्टि भएको छ ।

कोभिडको ‘हटस्पट’ बनेको नेपालगञ्जमा रहेका उनका बुबा, श्रीमती, छोरी, छोराहरु, भाइ, भतिज, भतिजी, बुहारीलगायतलाई संक्रमण भएको राइनले जानकारी दिए ।

उनको संयुक्त परिवारमा रहेका १७ जनाको परीक्षण गर्दा तीन जनाको रिपोर्ट मात्र नेगेटिभ आएको छ । संक्रमण देखिएका सबैजनाको अवस्था सामान्य रहेको र डाक्टरको सल्लाहबमोजिम घरमै आइसोलेसनमा बसेको पनि उनले जानकारी दिए ।

#Coronaसंक्रमणका कारण मेरो परिवारका सदस्यहरू पनि अछुतो रहन सकेनन बुवा,पत्नी,छोरी,छोराहरू,भाई,भतिजभतिजी,बुहारी लगायत अधिकांश परिवारका सदस्यहरू संक्रमित हुनु भएको छ सबैजनाको अवस्था सामान्य छ!चिकित्सकहरूको सल्लाह बमोजिम सबैजना होम आइशोले़न छन!अल्लाहको करमले छिट्टैcoronaपरास्त हुने छ pic.twitter.com/zqKyCBzoQN

— Mohammad Ishtiyaq Rayi (@IshtiyaqRayi) May 8, 2021