सीमासँग जोडिएका सिरहाका सबै नाका बन्द

सिरहा । नेपाल-भारतसँग जोडिएका सिरहाका सबै सीमानाका सील गरिएको छ ।

कोभिड-१९ को संक्रमण तीव्र गतिमा फैलिँदै गएपछि रोकथाम तथा नियन्त्रणका लागि भन्दै सिरहाका सबै सीमानाका सील गरिएको सिरहाका प्रमुख जिल्ला अधिकारी प्रदीपराज कणेँलले जानकारी दिए ।

भारतीय सिमाक्षेत्रसँग जोडिएका ठाडी, बरियारपट्टी, औरही, झाझपट्टीलगायत सबै नाकाबाट आवतजावत गर्न अब पूर्ण रोक लगाइएको प्रजिअ कणेँलले बताए ।

बढ्दो कोभिड–१९ को जोखिमलाई दृष्टिगत गरी भारतीय सीमासँग जोडिएका नाकाहरू सील गरिएको उनको भनाइ छ ।