संसद्को हिउँदे अधिवेशन अन्त्य
मकालु खबर २०७८ वैशाख ६ गते
संसद भवन बानेश्वर। फाइल फोटो।
कठमाडौं । संसद्को हिउँदे अधिवेशन अन्त्य भएको छ । अधिवेशन अन्त्य गर्ने मन्त्रिपरिषद्को निर्णय राष्ट्रपति विद्यादेवी भण्डारीले सदर गरेपछि संसद्को हिउँदे अधिवेशन अन्त्य भएको हो ।
सोमवार बिहान बसेको मन्त्रिपरिषद्को बैठकले अधिवेशन अन्त्यको लागि राष्ट्रपतिलाई सिफारिस गर्ने निर्णय गरेको थियो । त्यसपछि राष्ट्रपति भण्डारीले अधिवेशन अन्त्य गरेकी हुन् ।
गत पुस ५ गते विघटन भइ फागुन ११ गते पुनःस्थापना भएको संसद्का हिउँदे अधिवेशन फागुन २३ गतेबाट शुरु भएको थियो । संसद्ले यसबिचमा कुनै काम गर्न सकेको थिएन ।
जेठ १५मा बजेट ल्याउनुपर्ने र त्यसअघि सरकारको नीति तथा कार्यक्रम पेश हुनुपर्ने भएकाले अधिवेशन चाँडै आह्वान हुने बताइएको छ ।
मन्त्रिपरिषद्को सिफारिसमा राष्ट्रपतिले अधिवेशन अन्त्य र आह्वान गर्ने संवैधानिक व्यवस्था छ ।
मकालु खबर २०७८ वैशाख ६ गते
प्रतिक्रिया
सम्बन्धित
