पदमुक्त भएका चारै मन्त्रीको आज पुनर्नियुक्ति हुँदै
मकालु खबर
२०७७ चैत २७ गते
काठमाडौं । नेपाल कम्युनिस्ट पार्टी एमाले प्रवेश गरेकोमा नेकपा (माओवादी केन्द्र)को कारबाहीमा परेका चार मन्त्रीको आज (शुक्रबार) पुनर्नियुक्ति र सपथ हुने भएको छ ।
माओवादी केन्द्रले नेकपा एमाले प्रवेश गरेको भन्दै टोपबहादुर रायमाझी‚ लेखराज भट्ट‚ प्रभु साह र गौरीशंकर चौधरीलाई सांसद पदमुक्त गरेको थियो । सांसद पदबाट हटेपछि स्वतः मन्त्री पद खारेज हुने भएकाले तत्काल नै मन्त्री पदबाट पनि उनीहरू बाहिरिएका थिए ।
प्रधानमन्त्री केपी शर्मा ओलीले सांसद पदमुक्त चारै जनालाई पुनःनियुक्ति गर्न लागेका हुन् ।
शुक्रबार साँझ ५ बजे शीतलनिवासमा उनीहरूको शपथग्रहण कार्यक्रम राखिएको बताइएको छ ।
संविधानमा ६ महिनाभित्र उपचुनाव हुनुपर्ने भएकाले त्यसबेलासम्म चारैजना मन्त्री पदमा रहन पाउने व्यवस्था छ । उपचुनावमा उनीहरु एमालेबाट उम्मेदवार बन्नेछन् ।
मकालु खबर
२०७७ चैत २७ गते
प्रतिक्रिया
सम्बन्धित