इग्निस “अर्बन कम्प्याक्ट एसयूभी” सार्वजनिक (मूल्य सहित)

काठमाडौँ । प्रिमियम सुजुकी गाडीहरुको प्रिमियम सेल्स च्यानल सिजी-नेक्स्ट जेनले न्यू इग्निसको पुनर्सज्जा सार्वजनिक गरेको छ । न्यू इग्निसले आकर्षक अग्रभाग भएको एसयुभी डिजाइन, फराकिलो र बलियो पछिल्लो भाग तथा उच्च सिटिङको व्यवस्था रहेको छ । यसमा थपिएका एसयुभी विशेषतामा आकर्षक स्पोइलर र रुफ रेल समावेश छन्।

आकर्षक डिजाइन, उच्च सिटिङ सुबिधा र उच्च ग्राउन्ड क्लियरेन्सको संयोजनले न्यू इग्निसलाई एउटा पूर्ण कम्प्याक्ट अर्बन एसयुभी बनाएको छ । यसमा थपिएका विशेषताहरुमा आरामदायी र फराकिलो भित्री भाग, अपग्रेड गरिएको सुरक्षा व्यवस्था, अब्बल ड्राइभिङ सामर्थ्य र गतिशीलता हो । न्यू इग्निसमा १.२ लिटर बिएस६ कम्प्लाएन्ट पेट्रोल इन्जिन छ, जसले सजिलो तथा आरामदायी यात्राका लागि सहजता सिर्जना गर्छ ।

पूरै नयाँ बाहिरी भाग
न्यू इग्निसको विशिष्ट डिजाइनलाई एसयुभी डिजाइनका तत्वहरु समावेश गरेर बनाइएको छ । अंग्रेजी अक्षर यू–आकारको आकृति र बम्परमा फैलिएको बोल्ड स्किड प्लेटसहितको फ्रन्ट ग्रिलले यसलाई स्थिर स्वरुप दिएको छ । उच्च सिटिङ पोजिसन, जबरजस्त र फराकिलो आकारसहितको पछिल्लो फेसिया, रुफ रेल र स्पोइलरले यसको एसयूभी विशेषतालाई अझै माथि उकासेका छन् । भव्य डिआरएलएसबाट सुसज्जित प्रभावकारी तथा व्यवस्थित एलइडी प्रोजेक्टर हेडल्याम्पले न्यू इग्निसमा देखिने भव्यतालाई अझ बढी प्रस्ट पारेको छ ।

फराकिलो र आरामदायी भित्री भाग (इन्टेरियर)
न्यू इग्निसको फराकिलो क्याबिनमा विशिष्ट डुअल टोन आइभोरी इन्टेरियर सिट फेब्रिक र आधुनिक ढाँचा देख्न पाइन्छ । ड्यासबोर्डको विशिष्ट लिनियर डिजाइनले क्याबिनमा प्रशस्त खुला ठाउँको अनुभूति दिलाउँछ । सिग्नेचर नेक्साको निलो रङसँग एकीकृत हुँदै ब्लू हाइलाइटले यसको केन्द्रीय ढाँचालाई सजाएको छ । न्यू इग्निसमा १७.७८ सेन्टिमिटरको स्मार्टप्ले स्टुडियो छ ।

इन्जिन तथा ट्रान्समिसन
न्यू इग्निसमा बिएस६ कम्प्लायन्ट १.२ लिटर भिभिटी पेट्रोल इन्जिन छ, जसले सहज कार्यसम्पादन सुनिश्चित गर्दछ । यो आरामदायी ड्राइभिङ अनुभव प्रदान गर्ने गरी सुधार गरिएको इन्जिन हो ।

सुपेरियर सेफ्टी
नयाँ इग्निसमा पर्याप्त स्थान र उत्कृट सुरक्षा व्यवस्था रहेको छ । नयाँ इग्निसमा सबै भेरियन्टमा डुअल एअर ब्याग, प्रिटेन्सनर फोर्स लिमिटर सिट बेल्ड, चाइल्ड सिट रिस्ट्रेन सिस्टम र इबीडीसहितको एबीएस रहेको छ ।
हार्टटेक्ट प्ल्याटफर्मको पाँचौ पुस्तामा तयार गरिएको नयाँ इग्निसमा फ्रन्टर अफसेट, साइड इम्प्याक्ट र पेडेस्ट्रिय रेगुलेसनमा आधारित छ ।

मूल्य:

Technical Specification: