कीर्तिपुरकाे बल्खु खोलामा पुरुषको शव फेला

काठमाडौं । नैकाप, तीनथाना जाने झोलुङ्गे  पुलमुनि एक पुरूषकाे शव भेटिएकाे छ ।

कीर्तिपुर नगरपालिका वडा नम्बर २ मक्वाचाबाट चन्द्रागिरी नगरपालिका वडा नम्बर १५ नैकाप तीनथाना जाने झोलुङ्गे  पुलमुनि पुरूषकाे शव भेटिएकाे हाे ।

अन्दाजी ४०–५० वर्षका ती मृतककाे शव टाउकोमा चोट लागेको र दुवै हात भाँचिएको अवस्थामा फेला परेको प्रहरीले जनाएको छ । उनकाे सनाखत हुन सकेकाे छैन ।

शव पोष्टमार्टमाका लागी त्रिवि शिक्षण अस्पतालमा राखिएको छ । सनाखत हुन नसकेपछि प्रहरीले मृतककाे तस्विर समेत सार्वजनिक गरेकाे छ । शवकाे पहिचान भएमा नजिकैकाे प्रहरी कार्यालयमा सम्पर्क गर्न पनि आग्रह गरिएको छ ।