भारतमा भयावह कोरोना : एकै दिन ४९ हजार जनामा संक्रमण

एजेन्सी । भारतमा एकै दिन ४९ हजार जनामा कोरोना संक्रमण पुष्टि भएको छ ।

केन्द्रीय स्वास्थ्य तथा परिवार कल्याण मन्त्रालयले शनिबार (आज) दिएको जानकारीअनुसार पछिल्लो २४ घण्टामा ४८ हजार ९१६ जनामा कोरोना संक्रमण पुष्टि भएका हो ।

भारतमा अहिलेसम्म कोरोनाबाट सङ्क्रमित भएकाहरुको कुल संख्या १३ लाख ३६ हजार ८६१ पुगेको छ । तीमध्ये चार लाख ५६ हजार ७१ जना अझै पनि सङ्क्रमित अवस्थामै रहेका छन् भने अरु आठ लाख ४९ हजार ४३१ जना सङ्क्रणमुक्त भइसकेका छन् ।

त्यसैगरी पछिल्लो २४ घण्टामा भारतमा कोरोनाबाट सङ्क्रमित भएर ७५७ जनाको मृत्यु भएको छ । योसँगै कुल मृतकको संख्या ३१ हजार ३५८ पुगेको अधिकारीहरुले जनाएका छन् ।