अफगानिस्तानमा रहेका खतरनाक बारुती सुरुङ हटाउने घोषणा

एजेन्सी । अफगानिस्तान राष्ट्रिय विपद् व्यवस्थापन प्राधिकरणले प्रमुख खानी निकासी संस्थासँग संयुक्त सहयोग सम्झौतामा हस्ताक्षर गरेको घोषणा गरेको छ । जसको उद्देश्य जमिन मुनि रहेका बारुती सुरुङ् र अप्रकाशित गोलाबारुदको खतरालाई सम्बोधन गरी खतरा मुक्त गर्नु हो ।

सम्झौता अन्तर्गत, संगठनले पूर्वी प्रान्त नङ्गरहार, कुनार र नुरिस्तानका विभिन्न जिल्लाहरूमा लगभग १८ लाख वर्ग मिटर दूषित जमिन खाली तथा खतरा मुक्त हुने छ ।

यस पहलमा माथि उल्लेखित प्रान्तहरूमा द्रुत आपतकालीन प्रतिक्रिया टोलीहरूको स्थापना र प्रभावित समुदायका ३६ हजार ६८० जना बासिन्दाहरूलाई खानी जोखिम शिक्षा कार्यक्रमहरू वितरण गर्ने कार्यक्रम पनि समावेश रहेको जनाइएको छ ।

परियोजना पूर्ण रूपमा कार्यान्वयन भए पछि, लगभग दुई लाख १५ हजार मानिसहरूले यसको परिणामबाट लाभान्वित हुने जनाएको छ ।

अफगानिस्तानमा विगतका दशकहरूमा युद्धबाट बाँकी रहेका विस्फोटक उपकरणहरूको विस्फोटका कारण हरेक महिना दर्जनौँ मानिसहरू प्रभावित हुने गरेको जनाइएको छ भने प्रभावित हुनेमा अधिबकाशं बालबालिका रहेको जनाइएको छ ।