निखिलको चलचित्रमा राजेश हमाललाई अफर

फागुन २८, काठमाडौँ । लामो समयदेखि चलचित्रमा नदेखिएका  महानायक राजेश हमाललाई नायक निखिल उप्रेतीले चलचित्रको लागि अफर गरेका छन् ।   

निखिलले आफैले निर्देशन तथा अभिनय गर्न लागेको चलचित्र  ‘आयो भैरव’को लागि हमाललाई अफर गरेको हो ।   

चलचित्र ‘बागमती’मा काम गर्दा चर्को आलोचना भएपछी सुस्ताएका हमाललाई पछिल्लो समय भने चलचित्र अफरको कमी  छैन, तर उनी राम्रो कथाको प्रतिक्षामा रहेको बुझिएको छ । 

‘आयो भैरव’को लागि निखिलले  हमालसँग भटेरै कुराकानी गरिसकेका छन् ।  ‘आयो भैरव’ मा निखिलसँगै हमालको पनि सशक्त भूमिका रहेको बुझिएको छ । तर हमालले चलचित्र खेल्ने नखेल्ने निर्णय भने दिई सकेका छैनन् ।