गाउँ गाउँमा सरसफाई अभियान
मकालु खबर
चैत्र, १६ विराटनगर । विराटनगर महानगरपालिकादेखि ३ किलोमिटर पूर्व कटहरी गाँउपालिका महेशपुरका युवा यति बेला लकडाउन घोषणासँगै फुर्सदिला बनेका छन् । कोरोना भाईरस संक्रमण विश्वव्यापीरुपमा फैलिएसँगै नेपाल पनि अछुतो छैन ।
सरकारले लकडाउनको घोषणा गरेसँगै यति बेला नेपालले लकडडाउनको कठिन परिस्थिति बेहोरीरहेको अवस्था छ ।
स्कुल, कलेज विदा छ, तर फुर्सदिलो समय महेशपुरका युवा भने सामाजिक कार्यमा नै व्यस्त छन् ।
महेशपुर चोकमा ढाँट लगाएका छन् ताकी विराटनगर महानगरपालिका क्षेत्रबाट गाँउ पस्ने पैदल यात्री होस या सवारी चालक सम्पूर्णलाई साबुन पानीले हात धुन लगाएरमात्रै गाउँ प्रवेश गर्ने नियम राखेका छन् ।
सुरुवाती दिनहरुमा गाँउलेहरु र बाटोमा आवतजावत गर्ने यात्रुहरुले अटेर गरे पश्चात कटहरी १ का वडाध्यक्षको नेतृत्वमा ढाँट लगाएर साबुन पानीले हात धुने नियम राखेको ढाँटको जिम्मेवारीमा खटिएका स्थानीय युवा संदिप भगतले बताए ।
उनलाई वडा कार्यालयबाट नै कामको जिम्मेवारी दिएको छ ।
विहान ६ बजे देखि साँझ ५ बजेसम्म ढाटमा खटिन्छन् उनी । उनलाई सहयोग गर्न उनका साथी अनिल मण्डल हुन्छन् । अनिल भन्छन् यो हामी सबैको स्वास्थ्यको लागि हो, स्कुल पनि विदा छ ।
‘खालि समय आफ्नै गाउँका लागि काम गर्दा सबैको भलाइ हुन्छ’, उनले थपे, ‘वडा कार्यलयबाट हाम्रै स्वास्थ्यका लागि गाँउ, गाउँमा सरसफाई अभियान शुरु गरेका छन्, राम्रो काममा युवाको साथ हुनैपर्छ ।’
मकालु खबर
