रुपन्देहीमा लजमा मृत भेटिए पुरुष

फाेटाेः गुगल 

चैत्र ७, बुटवल । शुक्रबार बिहान रुपन्देहीको लजमा एक पुरुष मृत अवस्थामा भेटिएका छन् ।   

रुपन्देहीको सैनामैनामा अवस्थित हाम्रो अर्घाखाँची रेष्टुरेण्ड एण्ड लजमा सैनामैना नगरपालिका–५ का ४८ वर्षका मेघबहादुर खत्री मृत अवस्थामा भेटिएका हुन् । 

लजमा अचेत अवस्थामा भेटिएका  खत्रीलाई तत्कालै उपचारको लागि अस्पताल लैजाँदा  लुम्बिनी प्रादेशिक अस्पतालले मृत घोषणा गरेको हो ।  अत्याधिक मादक पदार्थ सेवन गरेको कारण मृत्यु भएको हुन सक्ने रुपन्देहीका प्रहरी प्रवक्ता खड्कबहादुर खत्रीले जानकारी दिए । 

प्रवक्ता खत्रीका अनुसार घटनाबारे थप अनुसन्धान भइरहेको छ ।