लकडाउन प्रभाव : विराटनगर पनि सुनसान
मकालु खबर
चैत्र ११, विराटनगर । सरकारले आज(मंगलबार)देखि जारी गरेको लक डाउनका कारण विराटनगर पनि सुनसान बनेको छ ।
कारोना भाईरस संक्रमणको त्रासका कारण सरकारले अत्यावश्यक काममा बाहेक घरबाट बाहिर ननिस्कन आग्रह गरेसँगै विराटनगर पनि सुनसान बनेकोे हो ।
दैनिक २ हजारदेखि ३ हजार सवारी आवतजावत गर्ने विराटनगरको सडक यति बेला कोरोनाको त्राससँगै सन्नाटा छाएको छ ।
सुनसरी, झापा, मोरङलगायतका विभिन्न स्थानबाट सामान खरिद गर्न बाक्लो भिड लाग्ने विराटनगरको सीमा क्षेत्र पनि सुनसान छ ।
विराटनगरको महेन्द्र चौक, रोडसेस चोक, बरगाछी चोकदेखि रानी भन्सार जस्ता क्षेत्रहरु सुनसान छन् ।
कुनै, कुनै स्थानमा अत्यावश्यक सवारी साधन मोटरसाइकल, एम्बुलेन्स, चले पनि अन्य सार्वजनिक यातायात भने पूर्णरुपमा निषेध गरिएको छ ।
प्रत्येक चोकमा सुरक्षाकर्मीहरु खटिएका छन् । मेडिकल पसरल बाहेकका अन्य पसलहरु बन्द गरिएका छन् ।
मकालु खबर
