चट्याङ लागेर महिलाको मृत्यु

फाेटाे स्राेतः गुगल 

फागुन २२, डोटी । डोटीमा चट्याङ लागेर एक महिलाको मृत्यु भएको छ ।   

डोटीको सायल गाउँपालिका–२ सिर्मागाउँमा  बुधबार राति करिब ६ः३० बजेको समयमा चट्याङ लागेर ६० वर्षीया जसुदेवी ओलीको मृत्यु भएको हो । 

जिल्ला प्रहरी कार्यालय डोटीका अनुसार एक्कासी परेको चट्याङले घरमा बसी रहेको अवस्थामा ओलीलाई लागेको जिल्ला प्रहरी कार्यालय डोटीका प्रमुख तथा प्रहरी उपरीक्षक दिलीपसिंह देउवाले बताए ।   

घटना सम्बन्धी थप विवरण आउन बाँकी रहेको जिल्ला प्रहरी कार्यलय डोटीले जनाएको छ ।