टिपरको ठक्करबाट श्रीमतीको मृत्यु, श्रीमान् घाइते

फाेटाे स्राेतः गुगल 

फागुन २३, काठमाडौँ । शुक्रबार बिहान पाल्पामा टिपरले मोटरसाइकललाई ठक्कर दिँदा एक जनाको मृत्यु भएको छ भने एक जना घाइते भएका छन् ।   

सिद्धार्थ राजमार्ग अन्तर्गत पाल्पाको लामीडाँडामा लु २ ख ३१७८ नम्बरको टिपरले लु ७ प ४३४ नम्बरको मोटरसाइकललाई ठक्कर दिँदा एक जनाको मृत्यु भएको हो भने सोही मोटरसाइकलमा सवार अर्का एक जना घाइते भएका हुन् ।   

प्रहरीका अनुसार टिपरको ठक्करबाट तानसेन नगरपालिका–७ म्यालधाराकी ५५ वर्षीया मधु श्रेष्ठकोम मृत्यु भएको हो भने उनका श्रीमान्  ६२ वर्षीय मोटरसाइकल चालक हिमालप्रसाद श्रेष्ठ घाइते भएका हुन् ।   

घाइते हिमालप्रसादको पाल्पास्थित लुम्बिनी मेडिकल कलेजमा उपचार भईरहेको प्रहरीले जनाएको छ ।  ठक्कर दिने टिपर र  चालकलाई पक्राउ गरि  आवश्यक अनुसन्धान भइरहेको प्रहरीले जनाएको छ ।