सुशिल र रुविनाको ‘लभ डायरीज’ ले पायो शोलो रिलिज

फागुन २, काठमाडौँ । फ्राईडे रिलिजमा सौरभ चौधरीद्वारा निर्देशित चलचित्र  ‘लभ डायरीज’ प्रदर्शनमा आएको छ ।  ‘भ्यालेन्टाइन डे’को अवसर पारेर प्रदर्शनमा आएको यस चलचित्रले शोलो रिलिज समेत पाएको छ ।   

त्रिकोणात्मक प्रेम कथामा बनेको यस चलचित्रमा नायक सुशिल श्रेष्ठ र नायिका रुविना थापा,  विश्वजित रिमाल, बिष्णु सापकोटा, अर्जुनजंग शाही, विशाल पहारी लगायत कलाकारको मूख्य भूमिका रहेको छ ।   

लगातार प्रदर्शन मिती सारेको यस चलचित्रले  अन्तत चलचित्रको नाम अनुसारको प्रदर्शन मिति पनि  प्रेम दिवसलाई नै रोज्यो ।  गत बुधबार प्रिमियर शो गरिएको यस चलचित्रलाई कलाकारहरुले सकारात्मक प्रतिक्रिया  दिएपछी चलचित्रलाई दर्शकले रुचाउने विश्वास यसको निर्माण पक्षको लिएको छ ।   

मधु बास्तोलाले कथा, पटकथा तयार पारेको यस चलचित्रलाई  बिनोद सापकोटाले निर्माण गरेका हुन् । चलचित्रमा  सह निर्माता सरोज तुलाधर रहेका छन् ।  गत साता प्रदर्शनमा आएका दुई नेपाली चलचित्र  ‘साङ्लो र सेल्फी किङ्ग’ले पनि हलमा राम्रो नै प्रतिक्रिया पाईरहेको छ ।  तर, दुबै चलचित्रको व्यापार भने  सन्तोष जनक छैन ।