दिवस भए ‘हाम्रो सेल्फी किङ कन्टेस्ट’ को बिजेता

माघ २२, काठमाडौँ ।  ‘हाम्रो सेल्फी किङ कन्टेस्ट’ को बिजेता इटहरीका दिवस पोखरेल बन्न सफल भएका छन् ।   

आगामी विपिन कार्कीद्वारा अभिनित चलचित्र  ‘सेल्फी किङ्ग’ देशभर प्रदर्शन हुँदैछ । यसै अर्न्तगत चलचित्र निर्माण युनिटले नेपालको पपुलर एप हाम्रो पात्रोसँगको सहकार्यमा माघ ५ गते  ‘हाम्रो सेल्फी किङ कन्टेस्ट’ ल्याएको थियो । 

ह्यूमर र कमेडी हाउभाउमा खिचिएको सेल्फी हाम्रो कम्युनिटी मार्फत् पोष्ट गरेर प्रतियोगितामा सहभागी हुनसक्ने व्यवस्था गरिएको थियो ।  दिवसको कमेडी हाउभाउमा खिचेको सेल्फीलाई निर्माण युनिटले उनलाई बिजेताको घोषणा गरेको हो ।   

गत माघ ५ देखि माघ २० सम्म संचालित प्रतियोगिताको विजेताको घोषणा माघ २१ गते हाम्रो पात्रो मार्फत गरिएको हो । 

अभिनेता विपिनले भने ‘हामीले पुरस्कार नै अभिनय सिकाउने राखेका छौं र उहाँको तस्बीर हेर्दा अभिनयमा इच्छुक देखिनु भएको छ’ 

दीवससँगै अन्य १० प्रतियोगीले प्रिमियरको १० पास जितेका छन् । दिवसले निर्देशक अनुप बरालको एक्टर्स स्टूडियोमा ३ महिनाका लागि अभिनयको कोर्स लिन पाउने भएका छन् । दिवसले अभिनय सिक्ने आफ्नो चाहना चलचित्रले पुरा गरेको भन्दै खुशी व्यक्त समेत गरेका छन् ।