स्वस्थानीका पाना च्यात्नै पर्दछ !
मकालु खबर
स्वस्थानीका पाना च्यात्नै पर्दछ !
हो कमरेड,
ठीक भन्यौ तिमीले
अब स्वस्थानीका पाना च्यात्नै पर्दछ !
हजारौँ मान्छे च्यात्दा त
चरो मुसो कोहि बोलेनन !
जाबो स्वस्थानीको पाना च्यात्दा
तिम्रो बिरुध्द को बोल्दो रहेछ !
हेरौँला हामी पनि !
बरु पाना च्यात्दै गरेको
कमरेडी अभियानको फोटो
युरोप तिर शेयर गरिहाल्नुपर्छ
किनकी
एउटा फोटोले पनि युरो मात्र होइन
पाउन्डस्टर्लिङ्गको फ्याक्ट्री खुल्न सक्छ
जसरी हिजोका च्याताईहरुमा खुलेको थियो !
कमरेडहरुका घर घरमा
कमरेडहरुका पछाडि लाग्ने
सबैखाले दलेदाईहरुको घर घरमा
युरो र पाउन्डस्टर्लिङ्ग
धानको बाला जस्तै झुलेको थियो !
टाउकोमा हात राखेर
फादरले खुवाएको कसम
निलो आकाश जस्तै खुलेको थियो !
हो कमरेड,
अब स्वस्थानीका पाना मात्र होइन
अलि अस्ती च्यातिएको
गीता र महाभारतका
बाँकी पानाहरुपनि च्यात्नु पर्दछ !
हाम्रो काम च्यात्ने हो
बाँकी रहेका सबै कुरा च्यात्नु पर्दछ
हेरौं हामीलाई कसले के गर्दछ !!
रामप्रसाद खनाल, भर्जिनिया, अमेरिका, फेब्रुअरी ११, २०२०
मकालु खबर
