सुनसरीमा छोराको खुकुरी प्रहारबाट आमा घाइते

माघ ९, सुनसरी । गएराती  सुनसरीमा एक छोराले आफ्नै आमालाई खुकुरी प्रहार  गरी घाइते बनाएका छन् ।   

रातको करिब १०ः३० मा सुनसरीको ईटहरी–२ हवाइ चोकमा स्थानिय १८ वर्षीय पारस कार्कीले खुकुरी प्रहार गरी आफ्नै आमालाई घाइते बनाएका हुन् ।   

प्रहरीका अनुसार   सामान्य घरायसी विवादमा पारसले ३६ वर्षीया आमा कविता कार्कीलाई  शरीरको विभिन्न भागमा खुकरी प्रहार गरी घाईते बनाएका थिए ।   

छोराको खुकुरी प्रहारबाट घाइते भएकी कविताको उपचार नोबेल अस्पताल बिराटनगरमा उपचार भइरहेको ईलाका प्रहरी कार्यालय ईटहरीले जनाएको छ । 

खुकुरी प्रहार गर्ने पारसलाई खुकुरीसहित पक्राउ गरी थप अनुसन्धान भइरहेको प्रहरीले जनाएको छ ।