मोरङमा बस दुर्घटना हुँदा एकको मृत्यु, ५ घाइते

फाइल फाेटाे 

माघ ९, मोरङ । बिहिबार बिहान मोरङमा मे १ ख ४०९० नम्बरको बस दुर्घटना हुँदा एक जनाको मृत्यु भएको छ भने ५ जना घाइते भएका  छन् ।   

आज  बिहान साढे ६ बजेको समयमा मोरङकाे धनपाल गाउँपालिकास्थित विराटनगर–रंगेली सडक खण्डमा पश्चिमतर्फ जादैँ गरेको बस हुस्सुको कारण अनियन्त्रित भई दुर्घटना भएको प्रहरीले जनाएको छ । 

इलाका प्रहरी कार्यालय रंगोलीका अनुसार मृत्यु हुनेमा बिराटनगर–१५ बस्ने ३२ वर्षीय सानु साह रहेका छन् । मृतक सोही बसका धनी रहेको खुल्न आएको छ ।   

दुर्घटनापछी गम्भिर घाइते भएका साहको उपचारको क्रममा  बिराटनगरकै न्यूरो अस्पतालमा मृत्यु भएको हो भने घाइते हरुको उपचार  सोही अस्पतालमा  भईरहेको प्रहरीले जनाएको छ ।   

प्रहरीका अनुसार दुर्घटना भएको बस र बसका चालकलाई प्रहरीको नियन्त्रणमा लिई अनुसन्धान भईरहेको छ ।