पर्यटक बसले ट्रकलाई ठक्कर दिँदा दुईको मृत्यु

फाेटाे फाइल 

माघ ३, चितवन । चितवनको रामनगरमा शुक्रबार बिहान भएको सवारी दुर्घटनामा दुई जनाको मृत्यु भएको छ ।  

काठमाडौँबाट आउँदै गरेको बा १ च ७८३ नम्बरको बसले सोही दिशा तर्फ आउँदै गरेको लु २ ख ३३०५ नम्बरको ट्रकलाई ठक्कर दिँदा दुर्घटना भएको थियो ।  दुर्घटनामा २ जनाको मृत्यु भएको छ भने  २० जना घाइते भएको प्रहरीले जनाएको छ ।  

मृत्यु भएका दुबै जना बसको यात्रु हुन । उनिहरुको सनाखत भएको छैन ।  घाइतेहरुको भरतपुरका बिभिन्न अस्पतालमा उपचार भइरहेको प्रहरीले बताएको छ ।