एक प्रदेशसहित ३९ स्थानीय तहको मत परिमाणः कहाँ कसले जिते ? (सूचीसहित)
मंसिर १५, काठमाडौं । ३७ जिल्लाका रिक्त ५२ पदका लागि शनिबार भएको उपनिर्वाचनको हालसम्म प्रदेश सभाको १ र ३९ स्थानीय तहका वडाध्यक्षको अन्तिम मत परिणाम सार्वजनिक भएको छ।
विभिन्न रिक्त पदमध्ये प्रतिनिधिसभा सदस्य एक, प्रदेशसभा सदस्य तीन तथा स्थानीय तहका प्रमुख एक, अध्यक्ष तीन, उपाध्यक्ष एक र वडाध्यक्ष ४३ गरी जम्मा ५२ पदका लागि उपनिर्वाचन भएको थियो ।
जसमध्ये भक्तपुरको प्रदेशसभा १ को (क) मा नेपाली कांग्रेसका कृष्णलाल भँडेल १३ हजार ४ सय ४९ मतसहित विजयी भएका छन्।
त्यस्तै स्थानीय तह अन्तर्गत वडा अध्यक्ष पदमा सत्तारुढ नेकपाले अग्रता कायम गरेको छ।
निर्वाचन आयोगका अनुसार सत्तारुढ नेकपाका २२, नेपाली कांग्रेसका ११, राजपा नेपालका तीन र समाजवादी पार्टीका उम्मेद्वारले तीन स्थानमा विजय हाँसिल गरेका छन्।
४३ वडामा भएको निर्वाचनमध्ये प्युठानको ऐरावती गाउँपालिका १ र २ को मतपरिणाम प्राप्त हुन बाँकी छ । यसैगरी महोत्तरीको बलवा गाउँपालिका ८ र धरान उपमहानगरपालिका ७ को परिणाम पनि आउन बाँकी छ ।
हेर्नुहाेस् सूचीः कहाँ कसले जिते ?