बसको ठक्करबाट पैदलयात्रीको मृत्यु
मकालु खबर २०७६ पुस ८ गते
पुस ८, झापा । मंगलबार बिहान झापामा पूर्वबाट पश्चिमतर्फ जाँदै गरेको बसको ठक्करबाट एक पैदलयात्रीको मृत्यु भएको छ ।
झापाको पूर्वपश्चिम राजमार्गको दमक पश्चिम बस बिसाउने ठाउँमा बाटो काट्दै गरेकी एक महिलालाई ना ६ ख ९३४३ नम्बरको यात्रुबाहक बसले ठक्कर दिँदा उनको घटनास्थलमै मृत्यु भएको हो ।
अन्दाजी ४६ वर्षको जस्तो देखिने मङ्गोल वर्णकी ती मृतक महिलाको पहिचान भने खुल्न नसकिएको प्रहरीले जनाएको छ ।
दमक प्रहरी प्रमुख तथा प्रहरी नायब उपरीक्षक विजयराज पण्डितका अनुसार दुर्घटना गराउने बस र चालकलाई नियन्त्रणमा लिई घटनाबारे अनुसन्धान भईरहेको छ ।
मकालु खबर २०७६ पुस ८ गते
प्रतिक्रिया
सम्बन्धित
