दाङमा बस दुर्घटना हुँदा २१ जना घाइते
मकालु खबर २०७६ पुस ९ गते
पुस ९, काठमाडौं । दाङमा यात्रुबाहक बस दुर्घटना हुँदा २१ जना घाइते भएका छन् ।
तुल्सीपुरबाट भालुबाङ आउँदै गरेको रा१ख १४८९ नम्बरको बस घोराही उपमहानगरपालिका वडा नम्बर ३ को मुसोटखोला छेउमा दुर्घटना हुँदा २१ जना घाइते भएका हुन् ।
घाइतेमध्ये दुई जनालाई गम्भीर चोट लागेको जिल्ला ट्राफिक प्रहरी कार्यालय दाङका प्रमुख प्रेम रेग्मीले जानकारी दिए । उनीहरुको लमही अस्पतालमा उपचार भइरहेको छ ।
ब्रेक फेल भएर दुर्घटना भएको प्रहरीको प्रारम्भिक अनुसन्धानमा खुलेको छ । अन्य यात्रुको अवस्था सामान्य रहेको प्रहरीले जानकारी दिएको छ ।
मकालु खबर २०७६ पुस ९ गते
प्रतिक्रिया
सम्बन्धित
