‘मिस्टर नेपाली’ र ‘सम्हाली राख है’ को टक्कर दुई बिदेशी फिल्मसँग

कार्तिक २९, काठमाडौँ । फ्राइडे रिलिजमा आजबाट देशभर २ नेपाली चलचित्र एकसाथ प्रदर्शनमा आएको छ । 

हरेक हप्ताको शुक्रबार नेपाली चलचित्र दुई वा तीन एकसाथ प्रदर्शनमा आईरहेको अवस्थामा यस हप्तामा भने नेपाली यी दुई चलचित्रले  दुई बिदेशी चलचित्रसँग सामना गर्नु परेको छ ।   

आजैबाट बलिउड चलचित्र   ‘मरजावान’ प्रदर्शनमा आएको छ  । जसमा कलाकार रितेश देशमुख, सिद्धार्थ मल्होत्रा, तारा सुतरीया र रकुल प्रीतको मुख्य अभिनय रहेको छ ।  त्यसैगरी आजैबाट प्रदर्शनमा आएको अर्को एक विदेशी चलचित्र हो हलिउडको ‘चार्लिज एन्जल्स’ । जसलाई एलिजाबेथ ब्यांसले निर्देशन गरेको यस चलचित्र कमेडीले भरिपूर्ण रहेको छ ।   

सिंगल स्क्रिनमा शो पाएको यी दुई नेपाली चलचित्रले यी दुई विदेशी चलचित्रसँग कतिको बाजी मार्न सक्छन् त्यो त दर्शकको हातमा भर पर्छ । 

‘मिस्टर नेपाली’ 

गत आईतबार मात्र अमेरिकाको टेक्सासमा   प्रिमियर शो गरिएको यस चलचित्रमा  नायक तथा निर्देशक भुवन केसीको मुख्य भूमिका रहको छ ।  अमेरिकामा यस चलचित्र हेर्ने दर्शकले यसलाईलाई उत्कृष्ट रहेको टिप्पणी गरेका थिए । देव भुषालले निर्देशन गरेको यस चलचित्रमा केसीसँगै  रीमा विश्वकर्मा, साहिल श्रेष्ठ, कुसुम राउत, रवि डंगोल लगायतका कलाकारको मुख्य भूमिका रहेको छ । 

राष्ट्रियता र प्रेमको कथामा आधारित राखेर बनाईएको यस चलचित्र  सिंगल स्क्रिनसँगै मल्टिप्लेक्समा पनि अटाउन सफल भएको छ ।  निर्देशक भुसालकै लेखन तथा पटकथा रहेको चलचित्रलाई नीरज कँडेलले खिचेका हुन्। 

‘सम्हाली राख है’ 

कलाकार शीतल केसीको मुख्य भूमिका रहेको  ‘सम्हाली राख है’लाई तारा शंकरको निर्देशन  गरेका हुन् ।  चलचित्रमा शीतलसँगै अर्जुन कुवँर, राजेन्द्र गोपाली, आरोही बस्नेत, स्नेहा कार्की, अन्जना खत्री, आरएल लामा, शंकर कार्कीलगायत कलाकारको भूमिका रहेको छ । 

त्रिकोणात्मक प्रेमकथामा आधारित यस चलचित्रमा  ताराशंकर फिल्मस् प्रालीको ब्यानरमामा तयार पारिएको हो । हरिकृष्ण महर्जनको निर्माण रहेको यस चलचित्रमा  श्यामकृष्ण महर्जन सह निर्माता रहेका छन् ।