बंगलादेशका राष्ट्रपति आईपुगे नेपाल

२६ कात्तिक, काठमाडौं । मंगलबार दिउँसो बंगलादेशका राष्ट्रपति अब्दुल हमिद नेपाल आईपुगेका छन् । उनी  समकक्षी विद्यादेवी भण्डारीको निमन्त्रणामा तीन दिने नेपाल भ्रमणमा आएका हुन् ।   

तीन दशकपछिको नेपाल आएका हमिदलाई स्वागत गर्न  राष्ट्रपति विद्यादेवी भण्डारी आफै  त्रिभुवन अन्तराष्ट्रिय विमानस्थल पुगेकी थिइन् ।   

परराष्ट्रले जारी गरेको भ्रमण तालिका अनुसार हमिद आरामका लागि म्यारिएट होटलमा जानेछन् । त्यसपछी उनी आजै भक्तपुरको ऐतिहासिक स्थलको भ्रमणका लागि जानेछन् । साँझमा भने उनी राष्ट्रपति भण्डारीले आयोजना गरेको रात्रिभोजमा सहभागी हुनेछन् ।   

भोली उनको राष्ट्रपति, प्रधानमन्त्री लगायतसँग भेटवार्ता गर्ने कार्यक्रम रहेको छ । तीन दिने नेपाल भ्रमण पछि उनी शुक्रबार अपरान्ह ४ बजे स्वदेश फर्किने बताईएको छ ।  

प्रतिक्रिया

Leave a Reply

Your email address will not be published. Required fields are marked *