दशैंको टिकाको दिन सेनाले राजधानीमा निःशुल्क बस चलाउने (यस्तो छ रुट)
असोज १७, काठमाडौं । हरेक वर्ष दशैंमा राजधानी काठमाडौं सुनसान हुने गर्दछ । करिब ४० लाख जनघनत्व भएको काठमाडौंमा ५० प्रतिशत बाहिरी जिल्लाबासीको बसोबास छ । उनीहरु मध्ये ५० प्रतिशत दशैं मनाउन गाउँघर जाँदा राजधानी सुनसान त हुन्छ नै सार्वजनिक सवारीको संख्या पनि पातलिन्छ ।
काठमाडौंमै रहेर दशैं मनाउने आफन्तजन कहाँ टिका र आर्शिवाद थाप्न जानेहरुलाई सवारीसाधन पाउन मुस्किल हुन्छ । यहि समस्यालाई दृष्टिगत गर्दै नेपाली सेनाले राजधानीका विभिन्न रुटमा निःशुल्क बस सेवा प्रदान गर्ने भएको छ ।
नेपाली सेनाले असोज २१ गते विजया दशमी टिकाको दिन काठमाडौं उपत्यका भित्र सार्वजनिक सवारी साधन न्यून मात्र सञ्चालन हुने भएकोले सैनिक तथा गैह्र सैनिक व्यक्तिहरुको आवागमनमा सहजता प्रदान गर्न विभिन्न ७ वटा रुटहरु र समयमा निःशुल्क बस सञ्चालन गर्ने भएको छ ।
सेनाले भद्रकाली, कलंकी नागढुंगा, बानेश्वर, कोटेश्वर भक्तपुर लगायत ७ वटा रुटमा निःशुल्क बस सेवा दिने छ ।
उपत्यकाका विहान ८ बजेदेखि राति ८ बजेसम्म २१ वटा बस सञ्चालन हुनेछन् ।
कुनकुन रुटमा चल्छ सेनाको निःशुल्क बस
१. भद्रकाली–कालीमाटी–कलंकी–नागढुङ्गा
(सोही रुट हुँदै फिर्ता हुने)
२. भद्रकाली–बल्खु–किर्तिपुर
(सोही रुट हुँदै फिर्ता हुने)
३. भद्रकाली–बानेश्वर–कोटेश्वर–गठ्ठाघर–सूर्यबिनायक
(सोही रुट हुँदै फिर्ता हुने)
४. भद्रकाली¬–लैनचौर–महाराजगञ्ज–बुढानिलकण्ठ
(सोही रुट हुँदै फिर्ता हुने)
५ भद्रकाली–चावहिल–जोरपाटी–थली–साँखु
(सोही रुट हुँदै फिर्ता हुने)
६ भद्रकाली–बानेश्वर–कोटेश्वर–सातदोबाटो–कलंकी–सितापाईला–बालाजु–महाराजगञ्ज–चावहिल–गौशाला–एयरपोर्ट–तिनकुने –भद्रकाली –चक्रपथ
(सोही रुट हुँदै फिर्ता हुने¬)
७ भद्रकाली–बानेश्वर–तिनकुने–एयरपोर्ट–गौशाला–चावहिल–महाराजगञ्ज–बालाजु–सितापाईला–कलंकी–सातदोबाटो–कोटेश्वर–बानेश्वर हुँदै भद्रकाली (चक्रपथ)
(सोही रुट हुँदै फिर्ता हुने)