रेमिट्यान्स सिस्टम ह्याक गरेर ३१ लाख चाेर्ने ८ पक्राउ
मकालु खबर
असोज ७, काठमाडौँ । प्रहरीले रेमिट्यान्स सिस्टम ह्याक गरेर पैसा चोरी गरेको आरोपमा ८ जनालाई पक्राउ गरेको छ ।
पानस रेमिट ह्याकिङ गरेर ३१ लाख रुपैयाँ चोरी गरेको आरोपमा ति ८ जनालाई पक्राउ गरिएको प्रहरीले जनाएको छ ।
पक्राउ पर्नेमा काठमाडौँका सुजन कार्की, रसुवाका लक्ष्मी तामाङ, निर्मला तामाङ, निमा तामाङ, संजय घले, सर्लाहीका पुष्पराज खड्का, नुवाकोटका लेवाङ तामाङ र लमजुङका विद्या सागर रहेका छन् ।
विदेशी ह्याकरको योजनामा नेपालमा बसेर काम गर्ने उनीहरुलाई काठमाडौँका विभिन्न ठाउँबाट नियन्त्रण लिईएको प्रहरीले जनाएको छ ।
हाल उनीहरुमाथी अनुसन्धान भईरहेको प्रहरीले जनाएको छ ।
साथै प्रहरीले गएराती कृषि विकास बैंकका तीन वटा शाखाबाट झण्डै २ करोड रुपैयाँ चोरी गरेको अरोपमा प्रहरीले तीन जनालाई पक्राउ गरेको छ । पक्राउ परेका व्यक्तिहरुको नाम भने प्रहरीले सार्वजनिक गर्न बाँकी नै छ ।
मकालु खबर
