सिंहदरबारबाट ९ पत्रकार पक्राउ

भाद्र ३०, काठमाडौँ । सोमबार दिउँसो  रेडियो नेपाल प्रदेश प्रसारण केन्द्र दिपायलबाट निष्कासन गरिएका कर्मचारीलाई पुनर्बहालीको माग राख्दै  सिहंदरबारस्थित रेडियो नेपाल परिसरमा पुगेका पत्रकारहरु पक्राउ परेका छन् । 

पक्राउ पर्नेमा नेपाल पत्रकार महासंघका सचिव रामप्रसाद दाहाल, नेपाल प्रेस युनियनका महासचिव अजयबाबु शिवाकोटी, पत्रकार महासंघका केन्द्रीय सदस्य जन्मदेव जैसी, यम बिरही, मीन बम, क्षेत्रीय प्रसारण कार्यालय डोटीबाट निस्काशित पत्रकार प्रकाश बम, चक्र कुँवर, दिलिप पौडेल र योगेन्द्र बलायर रहेका छन् ।   

 निष्कासन गरिएका कर्मचारीलाई पुनर्बहालीको माग राखी वार्तामा पुगेका पत्रकारको माग अस्वीकार गरेपछी तालाबन्दी गर्ने तयारीमा रहेका पत्रकारहरुलाई प्रहरीले पक्राउ गरेका हुन् ।