रोल्पामा पहिरो, एकै गाउँका ६ जनाको मृत्यु
मकालु खबर २०७६ भदौ २७ गते
भदौ २७, रोल्पा । रोल्पाको थवाङ गाउँपालिका छेर्लाबाङमा पहिरोमा परी एकै गाउँका ६ जनाको मृत्यु भएको छ ।
बिहीबार राति आएको पहिरोमा परी एकै गाउँका ६ जनाको मृत्यु भएको हो ।
मृत्यु हुनेमा २८ वर्षीय शीरकुमारी झाक्री र उनको ४ वर्षीय छोरा असल बुढा रहेका छन् । त्यस्तै अर्का परिवारमा ३८ वर्षीय जय बुढा, उनकी पत्नी ३६ वर्षीया मुलज्योती बुढा, नौ वर्षीया छोरी देवस्ती र दुई वर्षीया छोरी करिस्माको मृत्यु भएको जिल्ला प्रहरी प्रमुख चित्रबहादुर गुरुङले जानकारी दिए ।
पहिरोले एक घर र तीन गोठ पहिरोले पुरिदा ४२ वटा पशुको समेत मृत्यु भएको जानकारी दिइएको छ । (फाइल तस्विर)
मकालु खबर २०७६ भदौ २७ गते
प्रतिक्रिया
सम्बन्धित
