टुँडिखेलमा संविधान दिवसको रौनक (फोटो फिचरसहित)

असोज ३, काठमाडौं । संविधानसभा मार्फत संविधान जारी भएको चार वर्ष पूरा भएको अवसरमा मुलुकभर विभिन्न कार्यक्रम गरी मनाइँदैछ ।   

२०७२ साल असोज ३ गते आजकै दिन संविधान जारी भएको थियो । सोही दिनको सम्झनामा आज टुँडिखेलमा पनि विशेष समारोह आयोजना गरिएको छ । 

 समारोहमा राष्ट्रपति, उपराष्ट्रपति, प्रधानमन्त्री, राष्ट्रियसभाका अध्यक्ष, सभामुख, संवैधानिक नियकायका प्रमुख, मन्त्रिगण, विभिन्न राजनीतिक दलका नेता, सुरक्षा निकायका प्रमुख, राष्ट्रसेवक कर्मचारीसँगै सर्वसाधारणको उपस्थिति रहेको थियो ।   

समारोहमा नेपाली सेनाको हेलिकप्टरले पुष्पवृष्टि गरेको थियो । त्यस्तै नेपाली सेना, सशस्त्र प्रहरी, नेपाल प्रहरी र स्काउटद्वारा कवाज, विभिन्न धार्मिक–सामाजिक संघसंस्थाबाट विभिन्न जातजातिको भेषभूषा झल्कने झाँकी प्रदर्शन गरिएको थियो ।