यू–१९ एसिया कप छनौटः नेपाल सेमिफाइनलमा प्रवेश, चीन प्रतियोगिताबाट बाहिरियाे
मकालु खबर
असार १८ काठमाडौं । मलेसियामा जारी यू–१९ एसिया कप क्रिकेटको छनौट खेलमा नेपालले शानदार सुरुवात गरेको छ । समूह चरणको पहिलो खेलमा नै नेपालले चीनलाई १० विकेटले हराएको छ ।
चीनले दिएको ५४ रनको सामान्य लक्ष्य नेपालले मात्र ५ ओभरमा पुरा गर्यो । जितसँगै नेपाल प्रतियोगिताको सेमिफाइनलमा प्रवेश गरेको छ ।
null
नेपालका लागि पवन सरार्फले विस्फोटक ब्याटिङ गरे । २१ बलमा ४६ रन बनाएका सरार्फले ६ चौका र ३ छक्का प्रहार गरे । अर्का ओपनर रित गौतम १० रनमा अविजित रहे ।
त्यसअघि टस हारेर ब्याटिङमा आएको चीनले २३।१ ओभरमा सबै विकेट गुमाएर ५३ रन जोडेको थियो।
नेपालका सागर ढकालले ६ र तिलक भण्डारीको नाममा ३ विकेट लिएपछि चीन सो स्कोरमा समेटिएको हो।
समुह चरणको पहिलो खेलमा सिंगापुरले चीनलाई हराएको थियो । दुवै खेलमा पराजित हुँदै चीन प्रतियोगिताबाट बाहिरिएको छ ।
समुह चरणको अन्तिम खेलमा नेपाल र सिंगापुर भिड्नेछन् । सोही खेलले समुह विजेता टोलीको टुङ्गो लगाउनेछ ।
मकालु खबर
