प्रधानमन्त्री कप क्रिकेटः उपाधिका लागि आर्मी र पुलिस भिड्ने, एपीएफ बाहिरियो
मकालु खबर
जेठ २३, काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा विभागीय टिम नेपाल पुलिस क्लब फाइनलमा प्रवेश गरेको छ ।
कीर्तिपुरस्थित टियु क्रिकेट मैदानमा बिहीबार भएको दोस्रो सेमिफाइनल खेलमा विभागीय डर्बी क्लब एपीएफलाई ५ विकेटले पराजित गर्दै पुलिस फाइनलमा पुगेको हो ।
null
एपीएफले दिएको ४२ रनको सामान्य लक्ष्य पुलिसले ९ ओभर ३ बलमा ५ विकेट गुमाएर पुरा गर्यो ।
पुलिसका लागि पवन सर्राफले अविजित २१ रन जोडे । यस्तै दिपेन्द्र सिंह ऐरीले १३ रन बनाए ।
एपीएफका कप्तान बसन्त रेग्मीले ३ र शरद भेषवाकरले २ विकेट लिए ।
यसअघि टस हारेर पहिले ब्याटिङ गरेको एपीएफले २२ ओभर १ बलमा अलआउट हुँदै ४१ रन बनाएको थियो ।
एपीएफका कुनै पनि खेलाडीले दोहोरो अंक जोड्न सकेनन् । शरद भेषवाकर र पृथु बास्कोटाले सर्वाधिक ७–७ रन जोडे । यस्तै अमर सिंह रौटेलाले अविजित ६, सन्दीप जोराले ५ र आसिफ शेख, प्रदिप ऐरी, दिपेन्द्र राउत र सुमित महर्जनले समान २–२ रन बनाए ।
पुलिसका ललितले ४ विकेट लिए भने कुशल भुर्तेलले र सागर ढकालले समान ३–३ विकेट लिए ।
अब पुलिसले शनिबार हुने फाइनलमा अर्को विभागीय टिम त्रिभुवन आर्मी क्लबसँग प्रतिस्पर्धा गर्नेछ ।
मकालु खबर
