राजपाद्वारा आज पनि संसद अवरुद्ध

चैत १०, काठमाडौँ । पटक–पटक प्रतिनिधि सभा अवरुद्ध गर्दै आएको राष्ट्रिय जनता पार्टीले आइतबारको बैठक पनि अवरुद्ध गरेको छ । 

मधेश तथा थारुहट आन्दोलनका क्रममा भएको घटनाको सम्बन्धमा न्यायिक छानविनका लागि सरकारले गठन गरेको न्यायाधीश गिरिशचन्द्र लाल नेतृत्वको न्यायिक आयोगको प्रतिवेदन सार्वजनिक गर्न माग गर्दै राजपाले संसद अवरुद्ध गरेको हो । 

null

प्रतिनिधिसभाको बैठक सुरु हुनासाथ राजपाका सांसदहरुले आ–आफ्नो स्थानबाट उभिएर संसद अवरुद्ध गरेका हुन् । सभामुख कृष्णबहादुर महराले पटक–पटक बस्न आग्रह गर्दा पनि सांसदहरुले संसद अवरुद्ध गरेपछि बैठक १० मिनेटका लागि स्थगित गरिएको छ । 

राजपाले चैत ३ र ४ गतेको संसद पनि अवरुद्ध गरेको थियो ।