सामाजिक सञ्जालमा पार्टीको हितविपरित नलेख्न कांग्रेस अनुशासन समितिकाे चेतावनी

चैत १२, काठमाडौँ । नेपाली कांग्रेसको केन्द्रिय अनुशासन समितिले पार्टीको हितविपरित गतिविधि गर्ने सदस्यविरुद्ध चैत मसान्तभित्र उजुरी दिन आग्रह गरेको छ । 

मंगलबार बसेको अनुशासन समितिको बैठकले चैत मसान्तभित्र आएका उजुरीमाथि मात्रै छानविन हुने र पार्टीको हितविपरितका गतिविधिमा संलग्नलाई पार्टीको विधानअनुसार कारवाही गर्ने निर्णय गरेको हो । 

null

बैठकले जारी गरेको विज्ञप्तिमा भनिएको छ, ‘पार्टीका कुनै पनि सदस्यले पार्टी हित विपरीतका कुनै पनि काम, कारवाही र गतिविधि गरेको भएमा त्यस्ता काम, कारवाही र गतिविधिका विरुद्धमा प्रमाणसहित २०७५ चैत्र मसान्तभित्र केन्द्रीय अनुशासन समितिसमक्ष प्राप्त हुन आएका उजुरीहरु उपर मात्र केन्द्रीय अनुशासन समितिले छानविन गरी निर्णय गर्ने व्यहोरा यसै सूचना मार्फत जानकारी गराइन्छ ।’