सांसदद्वारा आज पनि संसद अवरुद्ध, कांग्रेसले घेर्यो रोस्टम
माघ ८, काठमाडौँ । प्रतिनिधिसभाको मंगलबारको बैठकमा पनि प्रमुख प्रतिपक्षी दल नेपाली कांग्रेसले विरोध गरेको छ । ।
सोमबारको बैठकमा पूर्वसभापतिद्वय गिरिजाप्रसाद कोइराला र सुशील कोइरालाको नाममा स्थापित अस्पतालहरु केन्द्र सरकार मातहत नराखेको भन्दै संसद अवरुद्ध गरेको कांग्रेसले मंगलबारको बैठकमा पनि रोष्टम घेराउ गर्दै संसद अवरुद्ध गरेको हाे ।
null
बैठक सुरु हुनासाथ कांग्रेस सांसदहरु उठेपछि सभामुख कृष्णबहादुर महराले प्रकाशमान सिंहलाई समय दिएका थिए । उनले दुबै अस्पताललाई संघीय सरकार मातहतमा ल्याउन निर्णय नभएसम्म संसद चल्न नदिने बताएका थिए ।
लगतै कांग्रेस नेताहरुको नाममा रहेको दुईवटा हस्पिटल मन्त्रिपरिषद्को निर्णयबाट केन्द्र सरकारको मातहतमा ल्याउनु पर्ने भन्दै कांग्रेस सांसदहरूले सदन अवरुद्ध गरे ।
कांग्रेसले सदन अवरुद्ध गरेपछि सभामुख कृष्णबहादुर महराले बैठक १५ मिनेटका लागि स्थगित गरिएको जानकारी गराए ।
आजको कार्यसूचीमा राष्ट्रिय चिकित्सा शिक्षा विधेयक पारित गर्ने रहेको छ।