श्रीमतीलाई बञ्चरोले हानेर बार्दलीमा झुण्डिए श्रीमान्

माघ ६, काठमाडौँ । कैलालीमा एक ३५ वर्षीया युवकले आफ्नै श्रीमतीको हत्या गरी आत्महत्या गरेका छन् । 

आइतबार बिहान जानकी गाउँपालिका–७ गोलौरीका प्रेमलाल चौधरीले ३२ वर्षीया श्रीमती रमा चौधरीको हत्या गरी आत्महत्या गरेको प्रहरीले जनाएको छ । 

null

उनले श्रीमतीको टाउकोमा बञ्चरो प्रहार गरी हत्या गरेर आफू घरको बार्दलीमा झुण्डिएर आत्महत्या गरेको इलाका प्रहरी कार्यालय टीकापुरले जानकारी दियो । 

घरको बार्दलीमा झुण्डिएर छट्पटाइरहेको अवस्थामा देखेपछि स्थानीयले प्रहरीलाई खबर गरेर डोरी काटेर बचाउने प्रयास गरेका थिए । तर उनी बाँच्न असफल भए । उपचारका लागि अस्पताल लैजाने क्रममा उनको बाटैमा मृत्यु भयो । 

उनीहरुका दुई छोरा छन् । घटनाका बारेमा अनुसन्धान भइरहेको टीकापुरका डीएसपी सिंहले जानकारी दिए ।