कांग्रेस सभापति देउवाको घोषणाः अब आन्दोलन गर्छौँ

माघ ११, काठमाडौँ । प्रमुख प्रतिपक्षी दल नेपाली कांग्रेसका सभापति शेरबहादुर देउवाले अब कांग्रेसले सडक र सदन आन्दोलन गर्ने चेतावनी दिएका छन् । 

शुक्रबार कांग्रेसको नाराबाजी र अवरोधकाबीच पनि चिकित्सा शिक्षा पारित भएपछि सभापति देउवाले यस्तो चेतावनी दिएका हुन् । 

null

‘सरकार अधिनायकवादी भयो । सभामुखले पनि आफ्नो पदीय गरिमा कायम राख्न सकेनन् । हामी त्यसविरुद्ध जे पनि गर्न सक्छौं, आन्दोलन गर्छौँ’, सभापति देउवाले भने । 

सर्वदलीय बैठकमा सभामुखले अवरोध भएमा बैठक स्थगित गर्ने भने पनि पेलेर विधेयक पास गरेको देउवाले आरोप लगाए। कांग्रेसको अस्तित्व मेट्न खोजेको भन्दै देउवाले यसलाई प्रतिकारसम्म हुन सक्ने उनले बताए।