हतियार कारोबारीलाई नियन्त्रणमा लिन गोंगबुमा प्रहरीले चलायो गोली

माघ ८, काठमाडौं । प्रहरीले काठमाडौँको गोंगबुमा एक हतियार कारोबारीलाई नियन्त्रणमा लिन गोली चलाएको छ । 

काठमाडौँ प्रहरी परिसर टेकुको टोलीले हतियार कारोबारी काभ्रेका अभिलास तामाङलाई नियन्त्रणमा लिन गोली चलाएको हो । पक्राउ परेका तामाङको खुट्टामा गोली लागेको प्रहरीले जनाएको छ । 

null

तामाङको साथबाट ६ राउण्ड गोलीसहित लोडेड पेस्तोल बरामद गरिएको छ । 

अपराधी तामाङ गोंगबुको होटल नक प्रा.लि.मा हतियारसहित हिँडिरहेको गोप्य सूचना पाएको प्रहरीसँगको जम्काभेटमा भाग्न खोजेपछि गोली प्रहार गरिएको हो । 

उनलाई उपचारका लागि अस्पताल लाने काम भइरहेको प्रहरीले जनाएको छ ।