धरानमा कुहिएको अवस्थामा शव फेला

मंसिर १७, धरान । सुनसरीको धरान–१७ स्थित उदय सामुदायिक वन भित्र कुहिएको अवस्थामा एक व्यक्तीको शव फेला परेको छ । 

धरान–५ सेउतीपुल नजिकैका बखत बहादुर रामदामको कुहिएको अवस्थामा शव फेला परेको ईलाका प्रहरी कार्यालय धरानका डिएसपी सुमन तिम्सिनाले जानकारी दिएका छन । करिव २ महिनादेखि उक्त स्थानमा रामदामको शव रहेको हुन सक्ने डिएसपी तिम्लसीनाले बताए । घाँस दाउरामा गएकाहरुले जंगलमा कुहिएको अवस्थामा शव देखेपछि प्रहरीलाई खबर गरेका थिए । रामदाम लामो समयदेखि हराइरहेको स्थानियले बताएका छन् । उनको हत्या भएको हुनसक्ने स्थानियले बताएका छन् । 

स्थानियका अनुसार रामदामको जग्गा राखेर एक व्यक्तिले सुन पसल सञ्चालनमा ल्याएका थिए । उक्त सुन पसलका सञ्चालकले रकम तिर्न नसकेपछि बैंकले रामदामको जग्गा लिलामी प्रक्रिया समेत अगाडि बढाएको स्थानियहरुको भनाई छ । 

null

रामदामको शव वीपी कोइराला स्वास्थ्य विज्ञान प्रतिष्ठानको मर्चरीमा पोष्टमार्टमको लागि राखिएको छ । प्रहरीले पोष्टमार्टमको रिपोर्टका आधारमा अनुसन्धानलाई अघि बढाउने जनाएको छ ।