इपिएल: रवि इन्दरको शतकमा भैरहवाको शानदार जित
मंसिर २३, काठमाडौँ । एभरेष्ट प्रिमियर लिग (इपिएल) टी–ट्वान्टी क्रिकेटमा शरद भेषवाकरको कप्तानीमा रहेको भैरहवा ग्लाडीयटर्सले विजयी सुरुवात गरेको छ ।
काइल जेम्स कोट्जरको कप्तानीमा रहेको पोखरा राइनोजलाई ४ विकेटले पराजित गर्दै भैरहवाले जित हात पारेको हो ।
null
पोखराले दिएको २१६ रनको लक्ष्य पछ्याएको भैरहवाले १९ ओभर ४ बलमा ६ विकेट गुमाएर पुरा गर्यो ।
भैरहवाका लागि रवि इन्दर सिंहले सतक बनाए। उनले अविजित १ सय २५ रन जोडे। रविले ४७ बलमा शतक पूरा गरेका थिए। उनले बलमा १० छक्का र ८ चौका हिर्काए। त्यस्तै आरिफ शेखले २३ रन र पुनित मेहेराले अविजित १८ रन जोडे ।
पोखराका सुशन भारी, बिक्रम सोब र पल कोगलिङले समान २–२ विकेट लिए ।
यसअघि टस जितेर पहिले ब्याटिङ गरेको पोखराले पुरै २० ओभर खेल्दै ५ विकेट गुमाएर २१५ रन जोडेको थियो । जारी ईपीएलको यो सर्वाधिक ठुलो स्कोर हो ।
पोखराका लागि दक्षिण अफ्रिकन खेलाडी रिचर्ड लेभीले ७९ रनको अर्धशतकीय इनिङस खेले । विस्फोटक ब्याटिङ गरेका लेभीले ३६ बलमा ७ चौका र ७ छक्का प्रहार गरे । यस्तै केली जेम्स कोट्जरले ४७ रन जोडे भने सुनील धमलाले ३८ रन जोडे ।
जितसँगै भैरहवाले २ अंक जोडेको छ । भैरहवा साबिकको उपविजेता समेत हो । पोखराले भने हारबाट लिगको सुरुवात गरेको छ ।