विप्लव’का दुई कार्यकर्ता पक्राउ

जुम्ला — जिल्लाका दुई स्थानीय तहमा १ मंसिरमा एकैसाथ भएको आक्रमण घटनामा संलग्न आशंकामा मुगु सोरु गाउँपालिकाका रामबहादुर भाम  र जुम्ला तिला गाउँपालिकाका लक्ष्मणनाथ योगी संग्राम पक्राउ परेका छन् । उनीहरुबाट विभिन्न स्थानमा संकलित ३५ हजार ६ सय ८४ रुपैयाँको चन्दा रसिद, डायरी, पार्टीका पर्चा, पम्प्लेटसमेत बरामद गरेको प्रहरीले जनाएको छ । स्थानीय तहमा भएको आक्रमणबाट चन्दननाथ नगरपालिकाको गाडी आगजनी र गोठीचौर गाउँपालिका तोडफोड भएको थियो । उता, विव्लव नेतृत्व, नेपाल कम्युनिष्ट पार्टीले आफ्ना कार्यकर्ता निसःर्त रिहाईको माग गरेको छ ।