पोखरा प्रिमियर लिगः पोखराले जित्यो उपाधि, चितवन ३ विकेटले पराजित
कात्तिक २०, काठमाडौँ । पोखरा प्रिमियर लिग (पीपीयल) टी–ट्वान्टी क्रिकेट प्रतियोगिताको उपाधि पोखरा पल्टनले जितेको छ ।
पोखरा रंगशालामा भएको फाइनल खेलमा चितवन राइनोजलाई ३ विकेटले हराउँदै पोखरा पल्टनले उपाधि हात पारेको हो ।
पोखरा प्रिमियर लिग ९पीपीएल० क्रिकेट प्रतियोगितामा चितवन राइनोजलाई ३ विकेटले हराउँदै पोखरा पल्टनले उपाधि जितेको छ ।
null
चितवनले दिएको १ सय ६१ रनको लक्ष्य पछ्याएको पोखराले १९.२ ओभरमा ७ विकेटको क्षतिमा भेट्टायो ।
पोखराका लागि रविइन्दर सिंहले ५८ बलमा १३ चौका र ३ छक्का प्रहार गरे । मोहम्मद नाभिदले १४ बलमा २५ रन बनाए । पोखराका कप्तान शरद भेषावकरले २२ रन बनाए भने आशिफ शेखले १२ रनमा आउट भए ।
बलिङतर्फ चितवनका लागि भुवन कार्कीले २ विकेट लिए । त्यस्तै, पारस, सन्नी पटेल र करण केसीले समान १र१ विकेट लिए ।
यसअघि टस हारेर पहिले ब्याटिङ गरेको चितवनले पुरै २० ओभर खेल्दै ५ विकेट गुमाएर १६० रन जोड्न सक्यो ।
चितवनका लागि कप्तान पारस खड्काले अर्धशतकीय इनिङस खेले । कप्तान पारसले ३७ बलमा ९ चौकासहित ५१ रन जोडे । रन आउट हुनुअघि पारसले दोस्रो विकेटका लागि अनिल कुमार साहसंग ७६ रनको साझेदारी गरे । अनिल ३७ रनमा आउट भए ।
त्यस्तै सन्नी पटेलले ४३ रन जोड्दा आरिफ शेखले १४ रन बनाए ।
पोखराका लागि कृष्ण कार्कीले २ विकेट लिदा मोहमद नाभिद र ललित नारायण राजवंशीले १–१ विकेट लिए ।
पीपीएलको विजेता पोखराले ट्रफिसहित २७ लाख नगद पुरस्कार प्राप्त गरेको छ । त्यस्तै, उपविजेता बनेको चितवनले १० लाख नगद प्राप्त गरेको छ ।
प्रतियोगितामा ६ फ्रेन्चचाइज टिमको सहभागिता रहेको थियो । प्रतियोगिताको म्यान अफ द सिरिज, उत्कृष्ट ब्याट्सम्यान र उत्कृष्ट बलरहरुले सुजुकी जिक्सर १ सय ५५ सीसी मोटरसाइकल प्राप्त गर्ने छन् ।