जब भाजपा कार्यकर्ताले सांसदको खुट्टा धोएर पानी खाए……

“

गोड्डा । झारखंडको गोड्डाका सांसद निशिकांत दुबेले शनिबार कलाली कन्हवारा पुलको शिलान्यास गरे । शिलान्यास कार्यक्रममा जब सांसद पुगे तब पार्टी कार्यकर्ता पवन शाहले सयौँ मानिसको अगाडी उनको खुट्टा धोएर मात्रै स्वागत गरेनन् कि उनले चरणामृत मानेर खुट्टा धोएको पानी समेत पिए ।

सांसदले यो तस्वीरलाई आफ्नो फेसबुक पेजमा शेयर गरी कार्यकर्ताको महानताको तारिफ गरे । मानौँ कि जब यो तस्वीरमा मानिसको टिका टिप्पणी सुरु भयो तब उनले खुट्टा धुने आदीवासीको परम्परा रहेको भन्दै आफूलाई बचाए ।

सांसदको तस्वीरमा मच्चियो बबाल

पवन शाहको यो तस्वीर जब भाइरल भयो तब हंगामा मच्चियो । भाजपा कार्यकर्ताले भने कि पवन कार्यक्रममा खुट्टा धुने जिद्दी गर्दै थिए । सांसदले मनाही गरे तर उनी मानेनन् । त्यसपछि सांसद आफ्नो कुर्सीबाट उठे । पवन शाहले उनको खुट्टा धोए र मञ्चमै फोहोर पानी पिए । त्यसपछि सांसदले यो फोटो आफ्नो फेसबुकमा अपलोड गरे ।

सफाईमा बोले सांसद

सोसल मिडियामा पोष्ट गरेको यो तस्वीर तेजले भाइरल हुन लाग्यो । मान्छेहरुले टिप्पणी पनि गर्न थाले कसैले यो सांसदको लोकप्रियताको परकाष्ट बताए त कसैले यसलाई समान्तवादी परम्पराको नाम दिए ।

विवाद बढ्दै गएपछि सांसदले पोष्टको संशोधन गरे । त्यसमा भने कि झारखंडमा आदीवासीबीच खुट्टा धुने पुरानो परम्परा छ । कोही मान्छे विना कारण यस मामिलालाई माथि उठाउँदै छन् । त्यस्तै झारखांड विकास मोर्चाका महासचिवले पनि यसलाई सामन्तीको प्रतिक बताए ।

एजेन्सी“